Панел дискусија со претставници од локални институции и адвокати

Details

Created on Monday, 23 December 2019 16:10

На 23.12.2019 г. ЕХО, во соработка со претставничка на Министерството за правда - Подрачно одделение во Штип реализираше панел дискусија со претставници од локални институции и адвокати, на која дискутантите ги споделија досегашните искуства и очекувањата од новиот Закон за бесплатна правна помош. {gallery}23.12.2019{/gallery} Се направи осврт на улогата на адвокатите, обврските на сите учесници, како и осврт врз се она што на адвокатите им се чини како можни предизвици во практикувањето на законот, меѓу кои: ослободувањето од трошоци за вештачење за потребите на постапките, висината на надоместокот и плаќањето за извршената работа на адвокатите, изборот на адвокати од листата на регистрирани, итност во одобрувањето на помошта и унапредување на системот на БПП преку регистрирање на нови адвокати.

Учество на обуки за правно зајакнување на вработени во Министерството за труд и социјална политика

Details

Created on Wednesday, 18 December 2019 19:03

Активистката на ЕХО за олеснување на пристапот до правда Благица Киров учествуваше со три излагања на две обуки за правно зајакнување на вработени во Министерството за труд и социјална политика, центрите за социјална работа, Министерството за правда и подрачните одделенија. На учесниците низ презентација им беше приближена секојдневната работа на овластените здруженија за бесплатна правна помош, како и важни аспекти при дизајнирањето на стратешка програма за правно зајакнување.{gallery}18.12.2019{/gallery}

Градоначалникот и претседателот на Советот на општина Штип остварија средба со Мултисекторскиот тим на заедницата за ефикасна заштита на жените и девојките

Details

Created on Monday, 16 December 2019 17:36

Денес во просториите на Општина Штип, претставници на Мултисекторските тимови за ефикасна заштита на жените и девојките од сите видови на насилство од Штип и Струмица, остварија средба со градоначалникот на Општина Штип, Благој Бочварски и претседателот на Советот на Општина Штип, Јане Миланов. На средбата беше презентирана работата и постигнувањата на Мултисекторските тимови и се разговараше за официјализирање на соработката на општината со Мултисекторските тимови во насока на взаемна поддршка за спроведување на родово одговорните политики. Претставниците на Општината изразија задоволство од ентузијазмот, успехот и постигнувањата на тимовите како и од можноста за продлабочување на соработката и изразија надеж дека двете општини во кои функционираат тимовите ќе претставуваат пример во Северна Македонија, но и пошироко, во регионот, за успешно функционирање на интегративниот пристап до пакетот на неопходни услуги за жени и девојки изложени на насилство. {gallery}16.12.2019{/gallery}